2 Chronicles (2 Divrey Yamim): 2 Chronicles (2 Divrey Yamim) Chapter 8

Tanach (Hebrew): 2 Chronicles (2 Divrey Yamim) Chapter 8

‎1 ‏וַיְהִ֞י מִקֵּ֣ץ׀ עֶשְׂרִ֣ים שָׁנָ֗ה אֲשֶׁ֨ר בָּנָ֧ה שְׁלֹמֹ֛ה אֶת־בֵּ֥ית יְהוָ֖ה וְאֶת־בֵּיתֽוֹ׃ ‎2 ‏וְהֶעָרִ֗ים אֲשֶׁ֨ר נָתַ֤ן חוּרָם֙ לִשְׁלֹמֹ֔ה בָּנָ֥ה שְׁלֹמֹ֖ה אֹתָ֑ם וַיּ֥וֹשֶׁב שָׁ֖ם אֶת־בְּנֵ֥י יִשְׂרָאֵֽל׃ ‎3 ‏וַיֵּ֤לֶךְ שְׁלֹמֹה֙ חֲמָ֣ת צוֹבָ֔ה וַיֶּחֱזַ֖ק עָלֶֽיהָ׃ ‎4 ‏וַיִּ֥בֶן אֶת־תַּדְמֹ֖ר בַּמִּדְבָּ֑ר וְאֵת֙ כָּל־עָרֵ֣י הַֽמִּסְכְּנ֔וֹת אֲשֶׁ֥ר בָּנָ֖ה בַּחֲמָֽת׃ ‎5 ‏וַיִּ֜בֶן אֶת־בֵּ֤ית חוֹרוֹן֙ הָֽעֶלְי֔וֹן וְאֶת־בֵּ֥ית חוֹר֖וֹן הַתַּחְתּ֑וֹן עָרֵ֣י מָצ֔וֹר חוֹמ֖וֹת דְּלָתַ֥יִם וּבְרִֽיחַ׃ ‎6 ‏וְאֶֽת־בַּעֲלָ֗ת וְאֵ֨ת כָּל־עָרֵ֤י הַֽמִּסְכְּנוֹת֙ אֲשֶׁ֣ר הָי֣וּ לִשְׁלֹמֹ֔ה וְאֵת֙ כָּל־עָרֵ֣י הָרֶ֔כֶב וְאֵ֖ת עָרֵ֣י הַפָּרָשִׁ֑ים וְאֵ֣ת׀ כָּל־חֵ֣שֶׁק שְׁלֹמֹ֗ה אֲשֶׁ֤ר חָשַׁק֙ לִבְנ֤וֹת בִּירֽוּשָׁלִַ֙ם֙ וּבַלְּבָנ֔וֹן וּבְכֹ֖ל אֶ֥רֶץ מֶמְשַׁלְתּֽוֹ׃ ‎7 ‏כָּל־הָ֠עָם הַנּוֹתָ֨ר מִן־הַחִתִּ֜י וְהָאֱמֹרִ֤י וְהַפְּרִזִּי֙ וְהַחִוִּ֣י וְהַיְבוּסִ֔י אֲשֶׁ֛ר לֹ֥א מִיִּשְׂרָאֵ֖ל הֵֽמָּה׃ ‎8 ‏מִן־בְּנֵיהֶ֗ם אֲשֶׁ֨ר נוֹתְר֤וּ אַחֲרֵיהֶם֙ בָּאָ֔רֶץ אֲשֶׁ֥ר לֹֽא־כִלּ֖וּם בְּנֵ֣י יִשְׂרָאֵ֑ל וַיַּעֲלֵ֤ם שְׁלֹמֹה֙ לְמַ֔ס עַ֖ד הַיּ֥וֹם הַזֶּֽה׃ ‎9 ‏וּמִן־בְּנֵי֙ יִשְׂרָאֵ֔ל אֲ֠שֶׁר לֹא־נָתַ֧ן שְׁלֹמֹ֛ה לַעֲבָדִ֖ים לִמְלַאכְתּ֑וֹ כִּי־הֵ֜מָּה³ אַנְשֵׁ֤י מִלְחָמָה֙ וְשָׂרֵ֣י שָׁלִישָׁ֔יו וְשָׂרֵ֥י רִכְבּ֖וֹ וּפָרָשָֽׁיו׃ פ ‎10 ‏וְאֵ֨לֶּה שָׂרֵ֤י הנציבים הַנִּצָּבִ֛ים^y אֲשֶׁר־לַמֶּ֥לֶךְ שְׁלֹמֹ֖ה חֲמִשִּׁ֣ים וּמָאתָ֑יִם הָרֹדִ֖ים בָּעָֽם׃ ‎11 ‏וְאֶת־בַּת־פַּרְעֹ֗ה הֶעֱלָ֤ה שְׁלֹמֹה֙ מֵעִ֣יר דָּוִ֔יד לַבַּ֖יִת אֲשֶׁ֣ר בָּֽנָה־לָ֑הּ כִּ֣י אָמַ֗ר לֹא־תֵשֵׁ֨ב אִשָּׁ֥ה לִי֙ בְּבֵית֙ דָּוִ֣יד מֶֽלֶךְ־יִשְׂרָאֵ֔ל כִּי־קֹ֣דֶשׁ הֵ֔מָּה אֲשֶׁר־בָּֽאָ֥ה אֲלֵיהֶ֖ם אֲר֥וֹן יְהוָֽה׃ פ ‎12 ‏אָ֣ז הֶעֱלָ֧ה שְׁלֹמֹ֛ה עֹל֖וֹת לַיהוָ֑ה עַ֚ל מִזְבַּ֣ח יְהוָ֔ה אֲשֶׁ֥ר בָּנָ֖ה לִפְנֵ֥י הָאוּלָֽם׃ ‎13 ‏וּבִדְבַר־י֣וֹם בְּי֗וֹם לְהַעֲלוֹת֙ כְּמִצְוַ֣ת מֹשֶׁ֔ה לַשַּׁבָּתוֹת֙ וְלֶ֣חֳדָשִׁ֔ים וְלַמּ֣וֹעֲד֔וֹת שָׁל֥וֹשׁ פְּעָמִ֖ים בַּשָּׁנָ֑ה בְּחַ֧ג הַמַּצּ֛וֹת וּבְחַ֥ג הַשָּׁבֻע֖וֹת וּבְחַ֥ג הַסֻּכּֽוֹת׃ ‎14 ‏וַיַּעֲמֵ֣ד כְּמִשְׁפַּ֣ט דָּֽוִיד־אָ֠בִיו אֶת־מַחְלְק֨וֹת הַכֹּהֲנִ֜ים עַל־עֲבֹדָתָ֗ם וְהַלְוִיִּ֣ם עַל־מִ֠שְׁמְרוֹתָם לְהַלֵּ֨ל וּלְשָׁרֵ֜ת נֶ֤גֶד הַכֹּֽהֲנִים֙ לִדְבַר־י֣וֹם בְּיוֹמ֔וֹ וְהַשּׁוֹעֲרִ֥ים בְּמַחְלְקוֹתָ֖ם לְשַׁ֣עַר וָשָׁ֑עַר כִּ֣י כֵ֔ן מִצְוַ֖ת דָּוִ֥יד אִישׁ־הָאֱלֹהִֽים׃ ‎15 ‏וְלֹ֣א סָרוּ֩ מִצְוַ֨ת הַמֶּ֜לֶךְ עַל־הַכֹּהֲנִ֧ים וְהַלְוִיִּ֛ם לְכָל־דָּבָ֖ר וְלָאֹצָרֽוֹת׃ ‎16 ‏וַתִּכֹּן֙ כָּל־מְלֶ֣אכֶת שְׁלֹמֹ֔ה עַד־הַיּ֛וֹם מוּסַ֥ד בֵּית־יְהוָ֖ה וְעַד־כְּלֹת֑וֹ שָׁלֵ֖ם בֵּ֥ית יְהוָֽה׃ ס ‎17 ‏אָז֩ הָלַ֨ךְ שְׁלֹמֹ֜ה לְעֶצְיֽוֹן־גֶּ֧בֶר וְאֶל־אֵיל֛וֹת עַל־שְׂפַ֥ת הַיָּ֖ם בְּאֶ֥רֶץ אֱדֽוֹם׃ ‎18 ‏וַיִּֽשְׁלַֽח־לוֹ֩ חוּרָ֨ם בְּיַד־עֲבָדָ֜יו אוניות אֳנִיּ֗וֹת וַעֲבָדִים֮ י֣וֹדְעֵי יָם֒ וַיָּבֹ֜אוּ עִם־עַבְדֵ֤י שְׁלֹמֹה֙ אוֹפִ֔ירָה וַיִּקְח֣וּ מִשָּׁ֔ם אַרְבַּע־מֵא֥וֹת וַחֲמִשִּׁ֖ים כִּכַּ֣ר זָהָ֑ב וַיָּבִ֖יאוּ אֶל־הַמֶּ֥לֶךְ שְׁלֹמֹֽה׃ פ

1 wayəhî miqqēṣ| ‘eśərîm šānâ ’ăšer bānâ šəlōmōh ’eṯ-bêṯ yəhwâ wə’eṯ-bêṯwō:

2 wəhe‘ārîm ’ăšer nāṯan ḥûrām lišəlōmōh bānâ šəlōmōh ’ōṯām wayywōšeḇ šām ’eṯ-bənê yiśərā’ēl:

3 wayyēleḵə šəlōmōh ḥămāṯ ṣwōḇâ wayyeḥĕzaq ‘āleyhā:

4 wayyiḇen ’eṯ-taḏəmōr bammiḏəbār wə’ēṯ kāl-‘ārê hammisəkənwōṯ ’ăšer bānâ b^aḥămāṯ:

5 wayyiḇen ’eṯ-bêṯ ḥwōrwōn hā‘eləywōn wə’eṯ-bêṯ ḥwōrwōn hat^aḥətwōn ‘ārê māṣwōr ḥwōmwōṯ dəlāṯayim ûḇərîḥa:

6 wə’eṯ-b^a‘ălāṯ wə’ēṯ kāl-‘ārê hammisəkənwōṯ ’ăšer hāyû lišəlōmōh wə’ēṯ kāl-‘ārê hāreḵeḇ wə’ēṯ ‘ārê hapārāšîm wə’ēṯ| kāl-ḥēšeq šəlōmōh ’ăšer ḥāšaq liḇənwōṯ bîrûšālaim ûḇalləḇānwōn ûḇəḵōl ’ereṣ meməšalətwō:

7 kāl-hā‘ām hannwōṯār min-h^aḥitî wəhā’ĕmōrî wəhapərizzî wəh^aḥiûî wəhayəḇûsî ’ăšer lō’ mîyiśərā’ēl hēmmâ:

8 min-bənêhem ’ăšer nwōṯərû ’^aḥărêhem bā’āreṣ ’ăšer lō’-ḵillûm bənê yiśərā’ēl wayy^a‘ălēm šəlōmōh ləmas ‘aḏ hayywōm hazzeh:

9 ûmin-bənê yiśərā’ēl ’ăšer lō’-nāṯan šəlōmōh l^a‘ăḇāḏîm liməla’ḵətwō kî-hēmmâ³ ’anəšê miləḥāmâ wəśārê šālîšāyw wəśārê riḵəbwō ûfārāšāyw: f 10 wə’ēlleh śārê hannəṣîḇîm hanniṣṣāḇîm^y ’ăšer-lammeleḵə šəlōmōh ḥămiššîm ûmā’ṯāyim hārōḏîm bā‘ām:

11 wə’eṯ-baṯ-parə‘ōh he‘ĕlâ šəlōmōh mē‘îr dāwîḏ labayiṯ ’ăšer bānâ-lāh kî ’āmar lō’-ṯēšēḇ ’iššâ lî bəḇêṯ dāwîḏ meleḵə-yiśərā’ēl kî-qōḏeš hēmmâ ’ăšer-bā’â ’ălêhem ’ărwōn yəhwâ: f

12 ’āz he‘ĕlâ šəlōmōh ‘ōlwōṯ layhwâ ‘al mizəb^aḥ yəhwâ ’ăšer bānâ lifənê hā’ûlām:

13 ûḇiḏəḇar-ywōm bəywōm ləh^a‘ălwōṯ kəmiṣəwaṯ mōšeh laššabāṯwōṯ wəleḥŏḏāšîm wəlammwō‘ăḏwōṯ šālwōš pə‘āmîm baššānâ bəḥaḡ hammaṣṣwōṯ ûḇəḥaḡ haššāḇu‘wōṯ ûḇəḥaḡ hassukwōṯ:

14 wayy^a‘ămēḏ kəmišəpaṭ dāwîḏ-’āḇîw ’eṯ-m^aḥələqwōṯ hakōhănîm ‘al-‘ăḇōḏāṯām wəhaləwîyim ‘al-mišəmərwōṯām ləhallēl ûləšārēṯ neḡeḏ hakōhănîm liḏəḇar-ywōm bəywōmwō wəhaššwō‘ărîm bəm^aḥələqwōṯām ləš^a‘ar wāšā‘ar kî ḵēn miṣəwaṯ dāwîḏ ’îš-hā’ĕlōhîm:

15 wəlō’ sārû miṣəwaṯ hammeleḵə ‘al-hakōhănîm wəhaləwîyim ləḵāl-dāḇār wəlā’ōṣārwōṯ:

16 watikōn kāl-məle’ḵeṯ šəlōmōh ‘aḏ-hayywōm mûsaḏ bêṯ-yəhwâ wə‘aḏ-kəlōṯwō šālēm bêṯ yəhwâ: s

17 ’āz hālaḵə šəlōmōh lə‘eṣəywōn-geḇer wə’el-’êlwōṯ ‘al-śəfaṯ hayyām bə’ereṣ ’ĕḏwōm:

18 wayyišəl^aḥ-lwō ḥûrām bəyaḏ-‘ăḇāḏāyw ’wōnîywōṯ ’ŏnîywōṯ w^a‘ăḇāḏîm ywōḏə‘ê yām wayyāḇō’û ‘im-‘aḇəḏê šəlōmōh ’wōfîrâ wayyiqəḥû miššām ’arəb^a‘-mē’wōṯ w^aḥămiššîm kikar zâāḇ wayyāḇî’û ’el-hammeleḵə šəlōmōh: f