Zechariah (Zekharyah): Zechariah (Zekharyah) Chapter 3

Tanach (Hebrew): Zechariah (Zekharyah) Chapter 3

‎1 ‏וַיַּרְאֵ֗נִי אֶת־יְהוֹשֻׁ֙עַ֙ הַכֹּהֵ֣ן הַגָּד֔וֹל עֹמֵ֕ד לִפְנֵ֖י מַלְאַ֣ךְ יְהוָ֑ה וְהַשָּׂטָ֛ן עֹמֵ֥ד עַל־יְמִינ֖וֹ לְשִׂטְנֽוֹ׃ ‎2 ‏וַיֹּ֨אמֶר יְהוָ֜ה אֶל־הַשָּׂטָ֗ן יִגְעַ֨ר יְהוָ֤ה בְּךָ֙ הַשָּׂטָ֔ן וְיִגְעַ֤ר יְהוָה֙ בְּךָ֔ הַבֹּחֵ֖ר בִּירֽוּשָׁלִָ֑ם הֲל֧וֹא זֶ֦ה א֖וּד מֻצָּ֥ל מֵאֵֽשׁ׃ ‎3 ‏וִיהוֹשֻׁ֕עַ הָיָ֥ה לָבֻ֖שׁ בְּגָדִ֣ים צוֹאִ֑ים וְעֹמֵ֖ד לִפְנֵ֥י הַמַּלְאָֽךְ׃ ‎4 ‏וַיַּ֣עַן וַיֹּ֗אמֶר אֶל־הָעֹמְדִ֤ים³ לְפָנָיו֙ לֵאמֹ֔ר הָסִ֛ירוּ הַבְּגָדִ֥ים הַצֹּאִ֖ים מֵעָלָ֑יו וַיֹּ֣אמֶר³ אֵלָ֗יו רְאֵ֨ה הֶעֱבַ֤רְתִּי מֵעָלֶ֙יךָ֙ עֲוֹנֶ֔ךָ וְהַלְבֵּ֥שׁ אֹתְךָ֖ מַחֲלָצֽוֹת׃ ‎5 ‏וָאֹמַ֕ר יָשִׂ֛ימוּ צָנִ֥יף טָה֖וֹר עַל־רֹאשׁ֑וֹ וַיָּשִׂימוּ֩ הַצָּנִ֨יף הַטָּה֜וֹר עַל־רֹאשׁ֗וֹ וַיַּלְבִּשֻׁ֙הוּ֙ בְּגָדִ֔ים וּמַלְאַ֥ךְ יְהוָ֖ה עֹמֵֽד׃ ‎6 ‏וַיָּ֙עַד֙ מַלְאַ֣ךְ יְהוָ֔ה בִּיהוֹשֻׁ֖עַ לֵאמֹֽר׃ ‎7 ‏כֹּה־אָמַ֞ר יְהוָ֣ה צְבָא֗וֹת אִם־בִּדְרָכַ֤י תֵּלֵךְ֙ וְאִ֣ם אֶת־מִשְׁמַרְתִּ֣י תִשְׁמֹ֔ר וְגַם־אַתָּה֙ תָּדִ֣ין אֶת־בֵּיתִ֔י וְגַ֖ם תִּשְׁמֹ֣ר אֶת־חֲצֵרָ֑י וְנָתַתִּ֤י לְךָ֙ מַהְלְכִ֔ים בֵּ֥ין הָעֹמְדִ֖ים הָאֵֽלֶּה׃ ‎8 ‏שְֽׁמַֽע־נָ֞א יְהוֹשֻׁ֣עַ׀ הַכֹּהֵ֣ן הַגָּד֗וֹל אַתָּה֙ וְרֵעֶ֙יךָ֙ הַיֹּשְׁבִ֣ים לְפָנֶ֔יךָ כִּֽי־אַנְשֵׁ֥י מוֹפֵ֖ת הֵ֑מָּה כִּֽי־הִנְנִ֥י מֵבִ֛יא אֶת־עַבְדִּ֖י צֶֽמַח׃ ‎9 ‏כִּ֣י׀ הִנֵּ֣ה הָאֶ֗בֶן אֲשֶׁ֤ר נָתַ֙תִּי֙ לִפְנֵ֣י יְהוֹשֻׁ֔עַ עַל־אֶ֥בֶן אַחַ֖ת שִׁבְעָ֣ה עֵינָ֑יִם הִנְנִ֧י מְפַתֵּ֣חַ פִּתֻּחָ֗הּ נְאֻם֙ יְהוָ֣ה צְבָא֔וֹת וּמַשְׁתִּ֛י אֶת־עֲוֹ֥ן הָאָֽרֶץ־הַהִ֖יא בְּי֥וֹם אֶחָֽד׃ ‎10 ‏בַּיּ֣וֹם הַה֗וּא נְאֻם֙ יְהוָ֣ה צְבָא֔וֹת תִּקְרְא֖וּ אִ֣ישׁ לְרֵעֵ֑הוּ אֶל־תַּ֥חַת גֶּ֖פֶן וְאֶל־תַּ֥חַת תְּאֵנָֽה׃

1 wayyarə’ēnî ’eṯ-yəhwōšu‘a hakōhēn hagāḏwōl ‘ōmēḏ lifənê malə’aḵə yəhwâ wəhaśśāṭān ‘ōmēḏ ‘al-yəmînwō ləśiṭənwō:

2 wayyō’mer yəhwâ ’el-haśśāṭān yiḡə‘ar yəhwâ bəḵā haśśāṭān wəyiḡə‘ar yəhwâ bəḵā habōḥēr bîrûšālāim hălwō’ zeh ’ûḏ muṣṣāl mē’ēš:

3 wîhwōšu‘a hāyâ lāḇuš bəḡāḏîm ṣwō’îm wə‘ōmēḏ lifənê hammalə’āḵə:

4 wayy^a‘an wayyō’mer ’el-hā‘ōməḏîm³ ləfānāyw lē’mōr hāsîrû habəḡāḏîm haṣṣō’îm mē‘ālāyw wayyō’mer³ ’ēlāyw rə’ēh he‘ĕḇarətî mē‘āleyḵā ‘ăwōneḵā wəhaləbēš ’ōṯəḵā m^aḥălāṣwōṯ:

5 wā’ōmar yāśîmû ṣānîf ṭâwōr ‘al-rō’šwō wayyāśîmû haṣṣānîf haṭṭâwōr ‘al-rō’šwō wayyaləbišuhû bəḡāḏîm ûmalə’aḵə yəhwâ ‘ōmēḏ:

6 wayyā‘aḏ malə’aḵə yəhwâ bîhwōšu‘a lē’mōr:

7 kōh-’āmar yəhwâ ṣəḇā’wōṯ ’im-biḏərāḵay tēlēḵə wə’im ’eṯ-mišəmarətî ṯišəmōr wəḡam-’atâ tāḏîn ’eṯ-bêṯî wəḡam tišəmōr ’eṯ-ḥăṣērāy wənāṯatî ləḵā mahələḵîm bên hā‘ōməḏîm hā’ēlleh:

8 šəm^a‘-nā’ yəhwōšu‘a| hakōhēn hagāḏwōl ’atâ wərē‘eyḵā hayyōšəḇîm ləfāneyḵā kî-’anəšê mwōfēṯ hēmmâ kî-hinənî mēḇî’ ’eṯ-‘aḇədî ṣem^aḥ:

9 kî| hinnēh hā’eḇen ’ăšer nāṯatî lifənê yəhwōšu‘a ‘al-’eḇen ’^aḥaṯ šiḇə‘â ‘ênāyim hinənî məfatēḥa pituḥāh nə’um yəhwâ ṣəḇā’wōṯ ûmašətî ’eṯ-‘ăwōn hā’āreṣ-hahî’ bəywōm ’eḥāḏ:

10 bayywōm hahû’ nə’um yəhwâ ṣəḇā’wōṯ tiqərə’û ’îš lərē‘ēhû ’el-t^aḥaṯ gefen wə’el-t^aḥaṯ tə’ēnâ: